culture, definition, argument, human ability, people, animals 

Зохиогч энэхүү өгүүлэлдээ АНУ-ын нэрт судлаач А.Кребер, К.Клакхон нар соёлын тухай ойлголтын тодорхойлолт болон үзэл баримтлалын талаарх шүүмжлэлт тойм бүхий бүтээлийг бичиж хэвлүүлэхдээ соёлын тухай ойлголтын анхны тодорхойлолтыг английн угсаатны зүйч Эдуард Бернетт Тайлор 1871 онд өгсөн, сэтгэгчид, судлаачид 1950 он гэхэд 157 тодорхойлолтыг томъёолсон байна гэж тэмдэглэсэнийг, тэрчлэн эдүгээ энэ нь хагас мянгад хүрээд байгаа тухай баримт зэргийг товч дурдаад соёлын тухай ойлголтыг тодорхойлох асуудлаар өөрийн үзэл санаагаа илэрхийлсэн байна.
Тэрээр соёлыг: субъектээс ертөнцөд хандах, ертөнцөд оршин байх, түүнийг өөрчлөн хувиргах хүмүүнлэг чадвар гэж томъёолох саналтай байна гээд түүнийгээ үндсэндээ сургалтын зориулалттай зүйл юм гэж онцлон тэмдэглэжээ. Мөн энд зохиогч орчуулгын зарим асуудлыг авч үзсэн байна.