Билиг сургаал, сэтгэхүйн арга 

Чингис хааны "Билиг сургаал" нь монгол билиг сургаалын дотор чухал байр эзлэн, монголчуудын туршлагын хуримтлал, сургамжийн цээрлэл, билгийн цоморлиг, онолын чимэг, ухааны уут, амьдралын толь, үйлдлэгийн замч, түгээмэл өртөгтэй соёлын өв хөрөнгө мөн хэмээн дээд хэмжээгээр үнэлэгдэн, түүний тухай судалгааны ч, уран зохиол, түүх, хэл шинжлэл, гүн ухаан, логик сэтгэхүй зэрэг олон талаас нэлээд эрчимтэй явагдсаар иржээ. Үнэндээ Чингис хааны "билиг сургаал" бол агуулгаар баялаг, хэлбэр чөлөөтэй, гүн гүнзгий логикийн үзэл сэтгэлгээ бүхий "хэрэг бодисын хөгжлийн учир зүй мөн. Хүний сурган хүмүүжүүлэх олны ёс орчлонгийн зүй мөн" хэмээн эрдэмтдэд дээд хэмжээгээр үнэлэгдсэний хувьд түүний агуулгад монгол үндэстний сэтгэхүйн хөгжил ба онцлогийг ямар нэг хэмжээгээр төвлөрүүлэн тусгах шаардлага байгаа болно.